Американскиот водител Били Буш се присети како Рики Мартин реагирал бурно откако го прашал дали е геј во почетоците на неговата кариера. Сега вели дека се кае што му ја нарушил приватноста и го принудил да го признае тоа.

Буш откри дека за време на интервјуто му кажал на Рики дека осум луѓе со кои разговарал во лобито претходната вечер сакале да знаат дали тој е геј.

„Се замрзна на столот и рече: „Што?“, а јас реков: „О, не, не.“ Тој рече: „Кретен“, го извади микрофонот и продолжи: „Сакаш ударна вест, ѓубре едно.“, открива Бил.

Потоа пејачот го напуштил сетот, а продуцентот бил бесен поради ова и рекол: „Ова е ужасно.“ Водителот отпатувал за Мајами за ова интервју, а по скандалот, неговите шефови во Лос Анџелес го повикале и го критикувале.

„Не е моја работа да ги повредувам луѓето. Моја работа е да сфатам кој сум и каде одам, а во животот мора да бидете спремни да правите грешки“, рекол Буш.

Тој веднаш му се извинил на пејачот, велејќи: „Рики, многу ми е жал што го поставив тоа прашање. Не знам што мислев. Беше несоодветно. Многу ми е жал и ветувам дека ова интервју никогаш нема да ја види светлината на денот.“

Рики му призна дека се борел со тоа целиот свој живот.

„Ќе го кажам тоа кога ќе биде вистинското време и место. Нема да биде тука во оваа емисија додека го промовирам албумот. Ова е многу лично за мене. Ти благодарам што се врати тука. Ти простувам“, му возвратил Рики.

Инаку, Рики Мартин јавно откри дека е геј во 2010 година, околу седум години по ова интервју.

ФОТО | На 53 години изгледа подобро од било кога: Рики Мартин сподели фотографии од одморот на Малта