САД се повлекуваат од Нигер, се разгледува воена интервенција за враќање на деморкатската власт
Соединетите Американски Држави наредија делумна евакуација на нивната амбасада во Нигер по минатонеделниот државен удар.
Стотици странски државјани веќе се евакуирани од земјата, а во неделата демонстрантите ја нападнаа француската амбасада.
Лидерот на пучот, генерал Абдурахаман Чиани, предупреди дека нема да толерира „било кави странско мешање во внатрешните работи“ на земјата.
Нигер е значаен производител на ураниум и се наоѓа на клучна миграциска рута кон Северна Африка и Медитеранот.
Американскиот државен секретар Ентони Блинкен минатата недела разговараше со соборениот претседател Мохамед Базума , соопшти Стејт департментот, додавајќи дека САД се посветени на враќањето на демократски избраната влада на Нигер.
И покрај делумната евакуација, амбасадата на земјата во главниот град Ниамеј ќе остане отворена, соопшти Вашингтон.
„Остануваме посветени на народот на Нигер и на нашиот однос со народот на Нигер и ќе продолжиме да бидеме дипломатски ангажирани на највисоко ниво“, рече тој.
Идентично, и Британската амбасада во главниот град на Нигер, Нијами, привремено го намали бројот на вработени поради безбедносната ситуација., но целосно не се повлекува, соопшти Форин Офисот
„Групата која ги организираше протестите на 30 јули (М62) повика на нови протести денеска за време на , Денот на независноста на Нигер. Протестите може да бидат насилни и ситуацијата може брзо да се промени без предупредување“.
Воените команданти на армиите од Африканските држави (ECOWAS) се состанаа во Нигерија во средата за да разговараат за можна воена интервенција, иако потенцираа дека таквата акција ќе биде „последна опција“.
Предводникот на пучот, генералот Чиани, поранешен шеф на претседателската гарда на Базум, ја презеде власта на 26 јули, велејќи дека сака да го спречи „постепениот и неизбежен колапс“ на Нигер.
Пучот предизвика големи демонстрации против Франција и во корист на Русија, чие влијание во Западна и Централна Африка се зголеми во последните години.
Во средата 262 лица пристигнаа во Париз со летови за евакуација организирани од француската влада. Од Нигер во во Рим се вратија вкупно 87 итаљански државјани.
Нигер, каде и Франција и САД имаат воени бази, е клучен западен сојузник во борбата против џихадистичкиот екстремизам во Сахел.