Сабрина Карпентер штотуку го претстави најновиот парфем со звучното име „Me Espresso“. Парфемот го носи името по нејзината песна „Еспресо“, која го одбележа ова лето.

 

View this post on Instagram

 

A post shared by Sabrina Carpenter (@sabrinacarpenter)

Овој парфем ги комбинира богатите ноти на какао во прав и зрна еспресо со сензуалната привлечност на јасмин и ванила. Бисквитите со путер додаваат слатка нота, додека финишот со карамела, шеќерен килибар и шлаг му додава топлина на мирисот. И овој парфем е гурмански како и другите од палетата на Сабрина.

Сабрина парфемот го претстави на својот Инстаграм. Во описот на објавата таа стави реплика од песната Еспресо: „Мека кожа и ја намирисав за тебе“.

„Едвај чекам да мирисам на песна номинирана за Греми“, „Ми требаат 14 од нив, сега“, „Сè уште се обидувам да ги дофатам карамелата и црешата“, „Сакам што има нота на бисквит“, „Едвај чекам да го мириснам“, „Ми треба многу“, се дел од коментарите на нејзината објава.

Парфемот моментално е достапен само во САД и не е познато кога ќе биде достапен во други земји, вклучително и овде. Шише од 75 мл чини 59,99 долари во САД.