Арина Сабаленка се пласираше во четвртфиналето на Вимблдон во Лондон, откако ја победи 23 тенисерка на ранг-листата во светот, Белгијката Елиз Мертенс, во два сета со 6:4, 7:6.

Тенисерката број еден во светот победи по еден час и 35 минути игра.

Сабаленка водеше со 4:1 во првиот сет, но Мертенс успеа да израмни на 4:4. Потоа и двете освоија по еден гем на свој сервис, а Сабаленка направи уште еден брејк во последниот 10 гем и поведе во меч.

Тенисерките направија по еден брејк во вториот сет, а се играше и тај-брејк, кој Сабаленка го доби со 7:4.

Сабаленка во четвртфиналето ќе игра против германската тенисерка Лаура Зигемунд, која ја победи Аргентинката Солана Сиера со 2:0 во сетови.