Руските сили продолжуваат со нападите на Киев со беспилотните летаа. Како што пренесуваат агенциите денеска повторно го нападнаа јужниот дел на украинскиот регион Миколајев со беспилотни летала камикази, објави украинската војска. Повеќе од една недела воздушни напади уништија речиси една третина од електричните централи во Украина и ја прекинаа електричната енергија во повеќе од 1.000 градови и населени места.

И покрај последователните бранови руски напади врз цивилни и инфраструктурни цели, нејзината војска вчера призна дека ситуацијата е „напната“ на бојното поле и дека нејзините трупи биле под постојан украински напад во некои области. Јужната команда на украинската војска денеска соопшти дека нејзините сили собориле 12 беспилотни летала во текот на ноќта. Руските напади претходниот ден погодија електрана во Киев, при што загинаа три лица.

Украинскиот претседател Володимир Зеленски во своето ноќно синоќешно обраќање рече дека руските воздушни напади во изминатата недела уништиле 30 отсто од електраните во Украина.