Русија соопшти дека нема ризик од недостиг на храна на домашниот пазар и ги предупреди потрошувачите да не брзаат да складираат основни производи откако Западот воведе санкции кон Русија поради нејзината инвазија на Украина.

Руската економија се соочува со најтешката криза од падот на Советскиот Сојуз во 1991 година, откако САД и Европа ја отсекоа Русија од деловите на глобалната економија поради инвазијата на Украина на 24 февруари од Москва, пишува Ројтерс.

„Нема услови за ризик од недостиг или за намалување на асортиманот на производи“, рече вицепремиерката Викторија Абрамченко во изјавата.

„Не вреди да се зголемува вештачката побарувачка со купувања за иднината“, рече Абрамченко. „Ќе го преориентираме пазарот и ќе воспоставиме взаемно профитабилна трговија, ќе ја прошириме нашата партнерска мрежа со пријателските земји“.

Русија веќе презеде чекори за да го заштити својот пазар на храна во светлината на западните санкции.

Премиерот Михаил Мишустин во понеделникот потпиша наредба за забрана за извоз на бел и суров шеќер до 31 август и забрана за извоз на пченица, ‘рж, јачмен и пченка во соседните држави на Евроазиската економска унија до 30 јуни.