Вејн Руни,  најдобриот стрелец во историјата на Манчестер Јунајтед, во емотивен разговор во подкастот на поранешниот соиграч Рио Фердинанд откри дека додека беше активен играч имал сериозни проблеми со алкохолот.

Руни раскажа дека дошло до момент кога „отишол предалеку“ и дека тогаш мислел дека нема на кого да се обрати и дека мора сам да го носи тој товар. „Беше тежок период. Се сеќавам отидов на тренинг ставајќи капки за очи и џвакајќи гумички“, рече тој, додавајќи дека понекогаш пиел по два дена без престан.

Во разговорот посебно ѝ се заблагодари на сопругата Колин, која била покрај него низ сите кризи и му помогнала да излезе од тоа. „Искрено верувам дека би бил мртов таа да не беше тука“, заклучи Руни.