Не ви треба многу време, состојки или кујнски додатоци за да подготвите вкусни тестенини. Има безброј комбинации со кои можете да експериментирате.

Сепак за летните температури кои нѐ очекуваат, најдобро е да изберете состојки кои се лесни за конзумирање и нема да ви предизвикаат мачнини. Комбинирајте лук, путер, лимон и босилек со тестенини по желба и направете убав ручек за само 15 минути. По желба можете да додадете и брокула.

Состојки:
225 г суви тестенини
500 мл пилешка супа
4 чешниња лук
30 г путер
20 г рендан пармезан
1 лимон
1 брокула
неколку листови свеж босилек
сол и бибер по желба

Подготовка:
Во поголемо тенџере растопете го путерот и кратко пропржете го ситно сечканиот лук. Додадете сол и бибер по желба.
Истурете ја пилешката супа во тенџерето. Исцедете сок од еден лимон и додадете ја ренданата кора.

Додадете ги тестенините, сè добро измешајте, покријте и оставете да се готват на умерена температура околу 10 минути.
На крајот од готвењето, измешајте рендан пармезан, додадете неколку парчиња сварена брокула и неколку листови босилек. Добар апетит!