Натпреварот од првото коло во Лигата на нации помеѓу Португалија и Хрватска требаше да биде едно од најголемите дерби дуели во септемврискиот циклус од Лигата на нации, но во последен момент „загуби на убавина“.

Најдобрите фудбалери на двете репрезентации, Кристијано Роналдо и Лука Модриќ нема да настап на овој натпревар. Реал Мадрид го замоли хрватскиот селектор Златко Далиќ да го „поштеди“ Модриќ, додека Роналдо сам се повлече поради бизарна причина.

Португалецот ќе го пропушти натпреварот со Хрватска бидејќи го казнала пчела, односно поради инфекцијата која ја предизвикал убодот.

Роналдо во средата бил каснат од пчела на прстот на десната нога и иако докторите му препорачале терапија – таа не дала резултат и фудбалерот на Јувентус одлучи да не ризика и да го прескокне вечерашниот дуел против Хрватска.