Брачен пар од Флорида бил уапсен под сомнение за убиство на својот 1,5-годишен син.

Рајан и Шејла О’Лери го држеле своето дете на строга диета, која се состоела од сирово овошје и зеленчук, поради што починатото бебе имало тежина на просечно 7-месечно бебе.

Обдукцијата покажала дека детето починало како последица на гладување, но и од дехидрација и пореметување на црниот дроб.

Имаат уште три деца

Кога полицијата стигнала во семејната куќа, ги затекнале и постарите брат и сестра на починатото дете, кои биле на возраст од три и пет години, а изгледале крајно неурането.

Двајцата биле бледи, а едниот од нив имал црни заби поради кариес.

Во куќата во тој момент било и најстарото дете, ќерката од 11 години која изгледала поздраво од сите. Таа е дете на Шејла од нејзината мината врска и секои два месеци го посетува својот биолошки татко, што веројатно е и причина за нејзината подобра физичка форма.

По овој инцидент, двете преживеани деца биле отстранети од домот и за нив сега ќе се грижи детската служба, додека нивната постара полусестра отишла да живее кај својот татко.