Веднаш по ремито со Хрватска и елиминацијата од Светското првенство во Катар, од Белгиската фудбалска асоцијација информираа дека селекторот Роберто Мартинез повеќе нема да ги води најдобрите белгиски фудбалери.

Белгија се сметаше за еден од фаворитите за освојување на едно од првите две места во групата „Ф“ кои водат во нокаут-фазата, но Мартинез не успеа да ја оствари целта.

– Роберто Мартинез најави дека ќе прекине да биде селектор на белгиските „црвени ѓаволи“ – информираа од тамошната федерација.

Мароко е селекцијата која го освои првото место во групата пред Хрватите, а на последната четврта позиција заврши Канада.

Белгијците го завршија Мундијалот со учинок од една победа против Канада (1:0), реми со Хрватска (0:0) и пораз од Мароко (0:2), со само еден постигнат гол на Батшуаји, играчот на Фенербахче.

Roberto Martinez has announced that he will stop as national coach of the Belgian Red Devils. pic.twitter.com/l7EBqiOAeD

— Royal Belgian FA (@RoyalBelgianFA) December 1, 2022