Со собир во Скопје, ракометарите на Вардар 1961 во четврток ги почнуваат подготовките за новата ракометна сезона 2025/26.

Екипата се собира на 24 јули во Скопје каде ќе се направат сите потребни медицински тестови, а потоа ќе почнат и тренинзите на тимот кои исто така ќе бидат во Скопје.

Потоа, екипата заминува на висински подготовки каде ќе остане се до 13 август. Во тој период ќе се одигра и контролен меч со тимот на Бутел.

Скопските „црвено-црни“ ќе играат на турнирот во Охрид од 19 до 23 август, а потоа на крај на месецот исто така ќе бидат дел од турнир кој ќе се одржи во Скопје.

Пред почетокот на сезоната ќе се одржи и мечот од Супер Купот, на 3 септември. Местото на одигрување дополнително ќе биде одредено.