Почина ракометарот Денис Тот кој од вчера се бореше за живот на КАРИЛ каде што беше донесен без срцева акција.

Во својата кариера ги бранеше боите на РК Бутел Скопје, РК Охрид, Адемар Леон (Шпанија), Брик (Австрија), и хрватските клубови Пореч и Бјеловар.

Ракометниот клуб Бутел Скопје за кој настапуваше хрватскиот ракометар се огласи преку социјалната мрежа „Фејсбук“:

– Со длабока тага и неверување ја примивме веста за смртта на нашиот Денис Тот. Хрватскиот интернационалец кој имаше 27 години ја играше првата сезона во Бутел Скопје и беше голем професионалец на ракометниот терен и надвор од него.

Го изразуваме нашето најдлабоко сочусвство до семејството и најблиските. Денис, почивај во мир, ќе те паметиме засекогаш! – објавија од РК Бутел Скопје.

Братот на починатиот хрватски ракометар Тот: Без тебе ништо нема да биде исто!