Ракометарите на Алкалоид оствари нов триумф во македонската Суперлига откако со резултат 42:30 триумфираа над РК Фруит Ленд Борец.

Играчите предводени од тренерот Кирил Лазаров после првото полувреме имаа позитива од 23:16.

Најдобар стрелец на Алкалоид во овој меч беше Мартин Ивановски со 11 постигнати гола, Дамјан Митев додаде пет, а Џонов, Петковски и Савревски погодија по четири пати.

На спротивната страна најефикасен беше Виктор Трифуновски кој седум пати се запиша во листата на стрелците.

На суперлигашката табела Алкалоид е на првото место со 34 бодови, додека Фруит Ленд Борец е на 10 позиција со шест бодови.

Во следното коло Алкалоид го очекува дерби против Еурофарм Пелистер на гостински терен на 22 февруари, додека истиот ден РК Фруит Ленд Борец ќе го пречека Радовиш.