Ракометарите на Алкалоид денеска дојдоа и до 13 победа во 13 одигран натпревар во македонската Суперлига.

Играчите предводени од тренерот Кирил Лазаров убедливо го совладаа составот на МРК Куманово со резултат 29:12 (14:9).

Најдобри стрелци во РК Алкалоид беа 15-годишниот Гарбески и Савревски со по шест постигнати гола, додека Омерагиќ стрела петпати.

На спротивната страна за МРК Куманово четири погодоци запиша Газмардија. На табелата во групата „А“ води Алкалоид со 39 бодови, додека МРК Куманово е на претпоследното седмо место со четири.

Оваа победа е увертира за последниот европски дуел сезона за РК Алкалоид. Во Европската лига на ЕХФ, во Скопје гостува Ла Риоха Логроњо од Шпанија, а мечот е закажан за 5 декември од 18.45 часот.