Денеска од 20.30 часот во СЦ „Борис Трајковски“ ќе се игра реваншот од финалето во ЕХФ Европскиот куп помеѓу ракометарите на Алкалоид и АЕК Атина.

Играчите на тренерот Кирил Лазаров имаа одлична можност оваа сезона да се закитат со трофејот во европското клупско натпреварување.

По првите 60 минути во Грција, македонската екипа има предност од 29:25.

Сите влезници се продадени за возвратниот дуел, па РК Алкалоид ќе ја има поддршката од трибините.

– Имаме одлични „плус четири“, момците беа на висина на задачата. Договоренот беше исполнето и со голема предност влегуваме во реваншот. Не сакам играчите да бидат под било каков притисок, не се сомневам дека в недела ќе го дадат најдоброто од нив – вели Лазаров.

Составот на РК Алкалоид за денешниот натпревар: Кизиќ, Џонов, Маркоски, Младеновиќ, Серафимов, Карасманакис, Стојковиќ, Галевски, Велковски, Симоноски, Ивановски, Бинго, Оливеира Е Силва, Петковски, Митев, Савревски.

Судии на мечот во Скопје Даниел Акото Мартинс и Роберто Акото Мартинс од Португалија.