Екипата на Динамо Загреб каде што настапуваат македонските фудбалери, Аријан Адеми и Стефан Ристовски во неделата која следи ја очекуваат важни натпревари.

Прво в среда на „Максимир“ гостува германска Борусија Дортмунд, а потоа во првенството на Хрватска ги очекува дербито со Хајдук.

Ристовски е убеден дека Динамо ќе биде успешен оваа недела и ќе слави во двата дуели.

„В среда ќе играме против сериозен противник кој многу значи во европскиот фудбал, сигурно ќе биде тешко. Ќе направиме анализи и ќе се подготвиме да покажеме добри анализи, верувам дека со правилен пристап ќе дојдеме до позитивни резултати. Можеме да победиме и во двата натпревари“, изјави Ристовски.

Во овој момент, Динамо се наоѓа на третото место во првенството со 25 бода, четири помалку од Хајдук кој е лидер, додека во Лигата на шампионите екипата е на 16. место со седум бода.