Во третиот натпревар од финалната серија во руската женска ракометна лига составот на ЦСКА Москва славеше со 35:29 против Ростов Дон.

Во победата придонесе македонската репрезентативка Сара Ристовска која четирипати се запиша во листата на стрелците.

Од нејзините колешки најефикасна беше Елена Михајличенко со седум погодоци, а на спротивната страна по шест голови имаа Кристина Кожокар и Екатерина Зеленкова.

Нашето десно крило Ристовска беше прогласена за најкорисен играч (МВП) на последниот финален натпревар.

Ристовска заслужено доаѓа до ова признание, во текот на целата сезона имаше одлични игри, а со своите погодоци неодамна стана и најдобриот стрелец во историјата на ЦСКА Москва.

За ЦСКА Москва ова е втора лигашка титула во нејзината клупска историја, првата ја освои во сезоната 2020/2021.