Ракометна Федерација на Македонија известува дека женската сениорска ракометна репрезентација на Македонија ќе одигра два пријателски контролни натпревари со селекција на Норвешка.

Овие дуели се во рамките на ЕХФ подготвителната недела за претстојното Европско ракометно првенство во сениорска конкуренција кое ќе се одржи во Македонија, Црна Гора и Словенија во периодот од 4 до 20 ноември 2022.

Првиот натпревар против Норвежанките денеска ќе биде тренинг-натпревар од затворен карактер без присуство на спортската јавност.

А за вториот натпревар закажан за 1 октомври (сабота) со почеток од 16.00 часот кој ќе се одржи во СЦ „Борис Трајковски“ во Скопје влезот ќе биде слободен за сите љубители на ракометот.

Потсетување дека нашите најдобри ракометарки на ЕП се во групата „Ц“ со репрезентациите на Франција, Холандија и Романија.

Савевски повика 19 ракометарки за натпреварите против Норвешка