Ракометната федерација на Македонија одлучи да ги мотивира ракометарите со премија од 50.000 евра пред настапот во финалниот бараж двомеч со Чешка за пласман на Светското првенство во Полска и Шведска што ќе се игра во јануари идната година.

Одлуката беше изгласана и донесена од страна на членовите на Управниот одбор на РФМ според членот 35 од Статутот поради итност на донесување на одлуки согласно Член 3 точка 11.

„За одредување на парична награда за македонската сениорска машка ракометна репрезентација за пласман на СП 2023 година во Полска и Шведска во висина од 50.000,00 евра нето износ“, соопшти РФМ.

Првиот бараж натпревар, ракометарите ќе го играат в среда во Злин, а реваншот е во недела во СЦ „Борис Трајковски“.