Републиканските гувернери најверојатно ќе покренат тужба со цел да да ја запрат уредбата на администрацијата на Бајден со кој речиси два милиони американски работници мора да се вакцинираат против Ковид-19 или мора редовно да се тестираат, истакнувајќи дека федералната влада ги крши личните слободи и ги надминува сопствените овластувања.

Стапувањето на сила на мерките на претседателот Џо Бајден за задолжителната вакцинација на работниците од приватниот сектор против Ковид-19 или неделното тестирање се одложуваат за после Нова година и ќе стапат на сила од 4 јануари.

Републиканскиот гувернер од Флорида, Рон Де Сантис, изјави дека ќе им се придружи на колегите од Џорџија и Алабама и и на неколку приватни лица во поднесувањето тужба против уредбата.

„Федералната влада не може еднострано да наметнува здравствена политика под превезот на регулирање на работните односи“, рече Де Сантис на прес-конференција.

Републиканските гувернери на Индијана, Ајова и Небраска, исто така, најавија дека ќе ја оспорат мерката на суд.
Одлуката на владата во Вашингтон се спроведува преку федералниот регулатор за работни односи OSHA.

„Бајден штотуку го објави својот план да наметне вакцини на приватни компании преку OSHA“, објави на Твитер државниот обвинител на Тексас, републиканецот Кен Пакстон.

Против него најавувам тужба откако оваа незаконска, противуставна регулатива стапи во сила“, додаде тој.

Тексас е една од републиканските држави што го забрани воведувањето на обврските за вакцинација со регулативи или закони и ги спречи работодавците да бараат од работниците да го откријат нивниот статус на ковид.

Висок функционер на OSHA тврди дека агенцијата има овластување да ги заштити работниците од здравствени опасности. Во Соединетите Држави, повеќе од 745.000 луѓе починаа од Ковид.

Бајден во септември рече дека неговото трпение е при крај и дека 30 отсто од невакцинираните Американци го сочинуваат мнозинството од хоспитализираните.

Бизнисмените , локалните власти и демократските федерални држави воведоа задолжително вакцинирање за своите вработени , а судовите во голема мерка ги потврдија таквите одлуки, тврдејќи дека федералните држави имаат моќ да ја регулираат здравствената заштита.