Четвртата сезона од серијата „The Crown“ е уште едно достигнување што го очекуваме на Нетфликс во 2020 година. Премиерата е закажана за 15 ноември, а гледачите конечно ќе можат да видат како Ема Корин ќе ја долови принцезата Дајана.

Досега видовме неколку фотографии од Ема во изглед на принцезата Дајана и може да се каже дека ги задоволуваат критериумите, пишува BuzzFeed.

Покрај фризурата и изгледот, според коментарите може да се заклучи дека Ема покажа држење и стас како вистинска принцеза.

Нетфликс на социјалните мрежи објави и фотографија од Ема во познатата венчаница на принцезата Дајана. Интересно е што Ејми Робертс, модната дизајнерка на серијалот „The Crown“, не сакала да ја направи комплетно истата реплика на венчаницата на покојната принцеза, но се стремела да е нешто „со ист дух и стил“.

– Излегов во венчаницата и сите останаа без зборови. Тој фустан е повеќе од сѐ што носам во серијата, тој фустан е Дајана“ – изјави Ема Корин за британски Вог.

Таа додаде дека 10 лица и помогнале само да ја облече кралската венчаница, бидејќи е „масивна“.

– Знам дека е чудно и излитено, но се чувствувам како да ја познавам. Сакам да ја направам горда – изјави Ема Корин за Сандеј тајмс.

За потсетување, премиерата на серијата „The Crown“ е закажана за 15 ноември на стриминг услугата на Нетфликс.