Американката Микаела Шифрин постигна рекордна 100. победа во Светскиот куп во алпско скијање во неделата во Сестриере, Италија.

Шифрин со тоа стана првата во алпско скијање, женско и машко, која достигнала троцифрена бројка победи на трките од Светскиот куп.

Обидот на Шифрин да ја достигне 100. победа во СК мораше да почека до вчера, откако таа падна на трката во велеслалом во Килингтон, Вермонт, во ноември и се здоби со рана на стомакот, длабока седум сантиметри.

По долгото закрепнување таа оздраве физички, но, менталната состојба и е кревка.

– Однадвор изгледам добро, повторно скијам. Но сè уште не сум добро. Понекогаш добивам визија дека паѓам. Можеби тоа не е несреќата во Килингтон, можеби е патеката пред мене. Ја имам таа визија дека повторно сум во мрежата и нешто прободува низ мене – вели Шифрин, потсетувајќи на раната во стомакот што ја доби по падот во Килингтон.

Шифрин, исто така, со нејзиното прво место во Сестриере, го израмни рекордот на Светскиот куп за најмногу освоени подиуми. Резултатот во неделата беше нејзиниот 155. пласман на подиумот, со што се совпаѓа со рекордот што го држи шведскиот великан Ингемар Стенмарк.

Легендарната Шифрин стигна до 100. победа на Светскиот куп