Рекордна количина зеленчук на Антарктикот: За првпат на јужниот пол се одгледува краставица
Руските научници собрале рекордна количина зеленчук на станицата Восток. За прв пат на Антарктикот се одгледува краставица, соопшти прес-службата на рускиот Институт за истражување на Арктикот и Антарктикот (ААРИ).
Препорачано
– На станицата Восток за прв пат се береа краставици. За 60 дена откако беа засадени, успеавме да одгледаме 16,5 килограми плодови – се наведува во извештајот.
Научниците објавија дека жетвата на зеленчук овојпат била „рекордна“.
Претходно, руските поларни истражувачи за прв пат успешно одгледуваа лубеници на Антарктикот, за што веќе пишуваше „Телеграф Наука“.
Институтот потенцира дека одгледувањето краставици на станицата било многу полесно отколку одгледувањето лубеници, бидејќи тие се помалку барани.
Според научниците, во две оранжерии на станицата Восток, со помош на технологијата „panoponics“, на еден квадратен метар површина годишно може да се одгледуваат до 100 килограми краставици, 29 килограми домати, 11 килограми слатки пиперки и 149 килограми кељ.
Станицата Восток е единствената руска копнена станица на Антарктикот која работи во текот на целата година. Отворена е во 1957 година и се наоѓа на 1.301 километар од географскиот Јужен Пол. Температурите во тој дел на Антарктикот се спуштаат до минус 89,2 степени.
In Antarctica, temperatures can drop to incredibly low levels. The coldest temperature ever recorded on Earth was in Antarctica at Vostok Station, where it reached -128.6°F (-89.2°C) on July 21, 1983. During the winter months, temperatures often drop below -100°F (-73°C). pic.twitter.com/AKHFAqWp4B
— Kotobarz (@Kotobarz) November 10, 2023
