Европско првенство во фудбал/ Фото: EPA-EFE/ANNA SZILAGYI
Европско првенство во фудбал/ Фото: EPA-EFE/ANNA SZILAGYI

Речиси половина од Германците стравуваат од терористички напади за време на Еуро 2024

Речиси половина од Германците се загрижени од потенцијални терористички напади за време на Еуро 2024, покажа истражување објавено денеска на YouGov во соработка со Институтот Синус.

Вкупно 12 проценти од испитаниците се многу загрижени, додека 35 отсто се „донекаде загрижени“.

Од друга страна, 24 проценти не се многу загрижени, а 12 отсто воопшто не се загрижени, при што 16 отсто од испитаниците или немале мислење или не одговориле на прашањето.

Истражувањето исто така покажа дека речиси половина од испитаниците (46 проценти) тврдат дека се рамнодушни кон претстојното фудбалско европско првенство. Вкупно 11 проценти се против првенството, додека 32 отсто рекле дека со нетрпение го очекуваат.

Во онлајн анкетата, спроведена од 18 до 25 април, учествувале 2.065 луѓе.

Европското првенство во фудбал почнува на 14 јуни кога домаќинот Германија игра против Шкотска во Минхен, а финалето на 14 јули ќе биде во Берлин.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот