Новото истражување покажа дека многу Американци сè уште веруваат дека диносаурусите шетаат по Земјата и се скриени во некој оддалечен дел од светот.

Истражувањето е спроведено од „Boat Rocker Studios“, кое наскоро ќе го објави цртаниот серијал „Dino Ranch“ на каналот „Disney Junior“, кој ќе биде наменет за деца од предучилишна возраст, пренесува „The Jerusalem post“

Имено, биле анкетирани околу 2.000 возрасни лица и се тестирало нивното знаење за овие праисториски суштества.

Истражувањата покажале дека околу 40% од американската популација верува дека диносаурусите исчезнале во период од 2000 до 10 000 години. Сепак, одамна е докажано дека тие исчезнале пред 66 милиони години. Околу 20% од Американците веруваат дека изумреле пред само 100 години.

Околу 30% од нив веруваат дека диносаурусите и луѓето живееле на Земјата во исто време. Секоја четврта личност верува дека диносаурусите живееле со слонови, иако науката потврди дека слоновите потекнуваат 10 милиони години по истребувањето на диносаурусите.

Приближно 54% од испитаниците тврдат дека диносаурусите живееле само во Африка и Северна Америка. Според истражувањето, возрасните можат да именуваат околу 4 видови диносауруси, иако е познато дека ги имало илјадници. Секако, повеќето од нив го навеле „T-Rex“.

Нешто повеќе од една третина од луѓето се сетиле на Бронтосаурус, кој стана популарен од детскиот филм „A Land Before Time“. Сепак, 54% не успеале да ги именуваат три-роговите трицератопи, кои исто така се појавуваат во наведениот филм.

„Прекрасно е да се гледаат серии како „Dino Ranch“ кои им помагаат на децата да сакаат диносауруси. Овие прекрасни суштества и денес имаат своја публика. Повеќето деца денес можат да ги едуцираат своите родители за овие животни. Идејата дека гиганти некогаш шетале по Земјата ја буди детската фантазија, без страв дека некогаш ќе налетаат на нив“, истакна Мет Фернандес, творецот на цртаниот филм.