Рецепт за „тигар“ торта готова за само 15 минути: Десерт без печење
Доколку сакате колачи, но немате време за рецепти кои бараат долга подготовка и печење, овој десерт е совршен за вас.
Препорачано
Тигар тортата доаѓа во неколку верзии, а оваа е една од наједноставните.
Потребни состојки:
– 600 мл млеко
– 2 ќесички чоколаден пудинг
– 6 лажици шеќер
– 100 грама маргарин
– 300 грама бисквити
– 150 грама чоколадо за готвење
– 3 лажици масло
Подготовка:
За почеток измешајте го пудингот со шеќерот. Потоа додадете 12 лажици млеко и убаво измешајте.
Остатокот од млекото сварете го на тивок оган, па додадете 50 гр чоколадо за готвење. Кога чоколадото ќе се растопи додадете ја смесата со пудингот и шеќерот. Гответе додека смесата не стане густа. Кога пудингот е готов, тргнете го од оган и покријте го со најлонска фолија за да не создаде кора.
Кога пудингот малку ќе се олади додадете маргарин и убаво изматете. Потоа додадете ги искршените бисквити, убаво измешајте и смесата додадете ја во калапот. Оставете го колачот да се стегне.
За глазурата растопете го остатокот од чоколадото со 3 лажици масло и прелијте го врз колачот. Оставете да се излади уште еден час, а потоа уживајте во овој брз и вкусен десерт.
