Вкусни солени палачинки од компири и шунка, идеални за целото семејство. Одлични се како појадок или вечера, ќе ве држат сити долго време. Богатиот фил со шунка им дава посебен шмек.

Состојки:

– 1 кг компири
– 200 г брашно
– 200 мл млеко
– 100 мл минерална вода
– 2 јајца
– 250 г шунка
– 2 чешниња лук
– сол, бибер
– магдонос
– масло
– лажица сушен зачин

Подготовка:

Компирите излупете ги, па ситно изрендајте. Компирите ставете ги во цедалка и добро исцедете ги од течноста. Додајте ги брашното, млекото и шунката, исечена на ситни коцки. Во смесата додајте ги изматените јајца, малку сол, исечкан магдонос, изгмечен лук и сушен зачин, а на крајот додајте минерална вода.
Во загреана тава додадете малку масло и рамномерно, во облик на палачинки, сипете од смесата. Палачинките пржете ги од двете страни, додека не добијат златна боја.
Послужете ги со јогурт, павлака или со салата по ваш избор.