Рецепт за рози со ореви: Заборавен колач од нашето детство
Децата ги обожаваат со шолја ладно млеко, а вам ќе ви бидат совршен десерт за со кафе.
Препорачано
Вкусот и мирисот на топлите розички со ореви потсетуваат на детството. Има нешто во тоа чувство на безгрижност, кое се враќа веќе со првиот залак од овој неодолив колач.
Она што е фантастично кај овие рози со ореви е тоа што се феноменални и утредента.
Состојки:
Тесто:
– 200 мл млако млеко
– 2 жолчки и едно цело јајце
– 250 грама путер на собна температура
– 100 мл масло
– 4 лажици шеќер
– 8 грама сув квасец
– 650-700 грама меко брашно (тип 400)
Фил:
– 250 грама ореви
– 2 белки
– 3 лажици шеќер во прав
– 2 ванилин шеќер
Подготовка:
Сите состојки за тестото треба добро да се соединат, па се додава лажица по лажица брашно и тестото убаво се замесува, па се остава да отстои половина час.
За тоа време се прави филот така што се соединуваат сите состојки за филот и се прават топчиња од добиената смеса.
Потоа, од тестото земаме по малку и го развлекуваме на тенко со сукало, кога ќе добиеме тенок круг, го сечеме од сите 4 страни, во средината ставаме топче фил и го виткаме тестото во форма на роза.
Направените розички се печат 15 минути на 200 степени Целзиусови.
Уживајте во уникатниот вкус!
