Посната пита со печурки е исклучително вкусна. Има многу варијации на вкусот, во зависност од филот (полнењето), а ние едногласно ја препорачуваме варијантата со шампињони, кои со задоволство ги прифаќаат децата, а чиј вкус се прилагодува на зачините што ги додавате.

Посните пити се евтини јадења кои се подготвуваат релативно брзо и лесно, па затоа се одличен избор за секоја пригода. Со оглед на тоа дека заситуваат, овие пити можете да ги направите како ручек или како вечера за целото семејство.

Вкусот може да варира од благ до зачинет, а тоа првенствено зависи од филот што ќе го изберете.

Состојки:

– 1 пакување кори за пита
– 300 – 400 грама печурки
– 1 шолја ориз
– 2 стебла праз
– 1 шолја масло
– 1 шолја кисела вода
– 1 прашок за печиво
– сол
– бибер

Подготовка:

Загрејте ја рерната на 180 степени. Исечкајте го празот, па пропржете го. Шампињоните исечкајте ги на ленти и додајте ги во тавата, пропржете, па додадете шолја сварен ориз. Посолете, побиберете и зачинете по вкус.

Потоа измешајте го маслото со шолја кисела вода и ќесичка прашок за печиво. Секоја кора посипете ја со преливот од масло и кисела вода, а секоја трета кора премачкајте ја со филот. Повторете ја постапката додека не го потрошите целиот материјал. Наредете во плех обложен со хартија за печење и исечете ја питата. Печете на 180 степени додека не порумени. Додадете прилог по желба, па послужете.

Пријатно!