Рецепт за популарната ретинол салата: Клуч за сјајна кожа и младешки изглед
Салатата од моркови, која често се нарекува „чист ретинол“ поради својата моќна концентрација на бета-каротен (кој во телото се претвора во витамин А, односно ретинол), е едноставно јадење полно со придобивки за кожата, очите и имунитетот.
Во последните години, ретинолот стана хит меѓу жените, особено заради неговите придобивки на кожата.
Но, на социјалните мрежи се појави нова, природна и вкусна верзија на оваа магична состојка, ретинол салата, која не само што го храни телото, туку помага и на кожата да го задржи својот младешки изглед.
Препорачано
-
1
-
2
-
3
Зошто е оваа салата добра?
Главната состојка во салатата е морковот, кој е богат со бета-каротин, претходник на витаминот А. Овој витамин е познат по своите позитивни ефекти на кожата, како што се намалување на воспалението, борба против акни, намалување на хиперпигментацијата и забавување на процесот на стареење.
Покрај морковите, други здрави состојки како маслиновото масло и сокот од лимон додаваат хидратација и еластичност на кожата. Салатата може да се прилагоди по ваш вкус, овозможувајќи да уживате во свежата и хранлива комбинација.
Состојки:
– 5 средни моркови
– 2 чешниња лук
– маслиново масло
– соја сос
– сол и бибер
– малку јаболков оцет
– сок од половина лимон
– малку сусам
Подготовка:
1. Исчистете ги морковите и исечкајте ги на вашиот начин.
2. Додадете го лукот што претходно сте го истолчиле.
3. Во садот додадете сок од лимон, маслиново масло, соја сос и малку јаболков оцет.
4. Измешајте ги сите состојки, па додадете сусам за финален вкус.
5. На крај, зачинете со сол и бибер по вкус, но внимавајте да не го пресолите бидејќи соја сосот е доста солен.
Оваа салата не само што е вкусна, туку е и здрав избор за вашето тело, и на кожата ќе ѝ даде младешки изглед благодарение на ретинолот од природните состојки.
Уживајте во оваа едноставен и моќен рецепт!
