Рецепт за печени компири со сланина: Одлична идеја за брз ручек, а во Германија се јаде и за појадок!
Германскиот рецепт за компири со сланина познат под името „bratkartoffeln“ е толку добар што се јаде и за појадок во оваа земја, а целиот трик е во правилниот избор на компири.
Препорачано
Најдобар избор е типот на компири што нема да се распадне во текот на готвењето. Потребна ви е и добра сланина, по можност домашна, како и зачини и билки како ким, мајчина душица или рузмарин.
Во зависност од рецептот, Германците некогаш додаваат и кромид на ова јадење, но тоа е по желба.
Состојки за подготовка на „bratkartoffeln“:
– 500 грама компири
– 225 грама сланина
– 1 кромид
– сол, бибер
– зачини (рузмарин, мајчина душица и ким)
Подготовка:
Измијте ги компирите и варете ги без лупење за да не се преварат. Исечете ги сланина и кромидот на коцки. Ставете ја сланината во тава и пржете ја додека не стане крцкава, а потоа извадете ја од тавата и пржете го кромидот во истата маст и оставете го настрана.
Исцедете ги компирите, па излупете ги и исечете ги. Убаво пропржете ги компирите во истата тава од двете страни, сè додека не поруменат. Потоа, додадете ги кромидот и сланината во тавата, зачинете со сол и бибер и додадете исечен магдонос или зачини по желба.
