Ако често правите печива, тогаш најдобро решение е секогаш да имате „лудо“ тесто подготвено во ќесе во фрижидер.

„Лудото“ тесто е практично и секогаш треба да го имате во фрижидер бидејќи од него можете да направите што и да посакате.

Многу домаќинки избегнуваат да прават тесто, но овој рецепт ќе ве воодушеви. Таканареченото „лудо тесто“ беше хит во осумдесеттите години на минатиот век, а некои домаќинки дури неодамна го открија и се воодушевени од него.

Во фрижидер може да стои и до една недела, важно е да стои во ќесето. Може да се случи тестото да нарасне толку многу што да почне да излегува од ќесето, па во тој момент да го пресечете го на половина и еден дел да префрлите во друго ќесе.
Од ова тесто можете да направите сè што ќе ви падне напамет – база за пица, слатки и солени кифлички, мини пици, лепчиња, крофни…

Кога го користите тестото, оставете го десетина минути на собна температура и развлечете го на набрашнета површина.

Состојки:

– 1 кг брашно
– 2 јајца
– 1 коцка свеж квасец
– 2 лажици шеќер
– 1 ќесичка прашок за печиво
– 1 лажица сол
– 400 мл јогурт
– 100 мл масло
– 250 мл млеко

Подготовка:

Во сад сипете топло млеко и издробете го квасецот, а потоа додајте шеќер и малку брашно. Промешајте и оставете да отстои 10 минути.

Кога ќе се „активира“ квасецот, се додаваат јајцата што биле на собна температура, маслото и јогуртот, се меша, па се прелива малку по малку брашното претходно измешано со прашокот за печиво.

Замесете тесто, па посипете го со брашно за да не се залепи. Ставете го на топло место да нарасне, па по половина час преместете го.

Покријте со проѕирна фолија или ставете во пластично ќесе и задолжително исцедете го целиот воздух. Вака подготвеното тесто може да се чува во фрижидер една недела.