Оваа ладна супа од краставици е инспирирана од шпанското гаспачо – се подготвува од свежи краставици и не се готви.

Кога температурата во термометарот ќе се искачи над 35 степени, сакаме освежителни и ладни јадења околу кои не треба да се трудиме премногу.

Оваа ладна супа направена од свежи краставици е совршен избор. Со добар блендер или секач за зеленчук може да се подготви за помалку од пет минути.

Послужете ја како ладно предјадење или ужина во топол летен ден.

Состојки:

– 600 грама свежи краставици

– 150 грама грчки јогурт

– 3 гранчиња свежо нане

– 1 лимета

– грст свеж власец

– сол и бибер по желба

Подготовка:

Излупете ги краставиците, исчистете ги семките и исечете ги на коцки. Ставете ги со грчки јогурт во сечкачот за зеленчук или во блендерот и претворете ги во густа супа. Во блендерот додајте ги и свежите билки и сокот од една лимета. Посолете и зачинете по желба.

Супата од краставици послужете ја ладна.