Крофните се омилен сладок деликатес што ни го подготвувале бабите и мајките. Тие големи, меки, воздушни топчиња посипени со шеќер во прав на сите им се омилени.

Денеска ви предлагаме еден поинаков, но уште повкусен рецепт – крофни полнети со чокаладо.

Состојки:

– 800 грама брашно
– 2 јајца
– 2 дл млако млеко
– 1 дл вода
– 1 дл масло
– 1 коцка квасец
– 1 ќесичка прашок за печиво
– 1 рендана кора од лимон

За полнење:

– 70 грама чоколадо

Подготовка:

Во сад измешајте млеко, шеќер, сол, квасец и малку брашно. Промешајте го со блендер и оставете го да стаса околу 10 минути. Сипете во тава и додадете ги останатите состојки. Замесете мазно тесто и оставете го на топло место да нарасне. Расукајте со сукало до дебелината на малиот прст.

Чоколадото исечкајте го на коцки и наредете ги на растојание од 3 до 4 см. Преклопете ја другата половина од тестото и со чаша извадете ги крофните. Нека нараснат.

Пржете ги во врело масло од двете страни. Посипете ги со шеќер во прав.

Добар апетит!