Рецепт за гаспачо, ладна чорба од домати: Шпанците ја јадат во лето
Гаспачо е еден од најпознатите шпански специјалитети, а колку е популарен покажува и фактот што рецептот го промовираше во својот филм „Жени на работ на нервен слом“ (Mujeres al borde de un ataque de nervios) и славниот режисер Педро Алмодовар.
Препорачано
Оваа ладна чорба од домати Шпанците најмногу ја јадат во лето, бидејќи не само што е вкусна и заситна, туку и освежителна, а лесно се прави. Сѐ што ви треба е домат, краставица и пиперка, а сите состојки се мешаат во блендер. Научете како да направите една од најубавите чорби од домати.
Состојки:
– 900 грама домати
– 1 црвена или зелена пиперка
– 1 краставица
– 1 мал кромид
– 1 чешне лук
– 2 лажички оцет
– 1/2 шолја маслиново масло
Подготовка:
Доматите и пиперките кратко избланширајте ги во зовриена вода. Извадете им ја лушпата, а потоа ситно исечкајте ги. Ставете ги во блендер, па додајте ги исчистениот лук и кромид, како и краставицата. Убаво изблендирајте, за сите состојки добро да се соединат.
Потоа, сипете оцет и сол, па повторно изблендирајте, па сипете и маслиново масло. Изблендирајте уште еднаш и чорбата гаспачо е готова.
Текстурата на гаспачо треба да биде кремаста, а потоа процедете. Сипете во стаклен сад и изладете. Чорбата гаспачо можете и веднаш да ја јадете. Послужете со препечен леб или со нешто по ваш избор.
