Рецепт за домашни кифлички со јогурт
Ако сакате да направите помала доза од овие превкусни кифлички, преполовете ги состојките.
Препорачано
Состојки:
– 2 килограми брашно
– 1 квасец
– 5 јајца
– 500 милилитри млеко
– 200 милилитри јогурт
– 200 милилитри масло за јадење
– 2 лажички сол
– 2 лажички шеќер
– 300 грама маргарин
– 100 грама сусам
Подготовка:
Во посебен сад растворете го квасецот со малку млако млеко, шеќер и брашно и оставете го околу 20 минути да стаса.
Додека чекате квасецот да стаса, во подлабок сад ставете го остатокот од брашното заедно со другите состојки, но без маргаринот и сусамот. Кога квасецот ќе нарасне, додајте го во садот со брашното и сето тоа убаво измесете го. Подготвеното тесто за кифли, оставете го да отстои околу еден час.
Стасаното тесто, повторно измесете го, а потоа, со помош на сукало од него формирајте мали топчиња. Од топчињата направете кифли, кои ги редиме во претходно подмачкана тава за печење.
Кога ќе го потрошиме целото тесто, кифлите се премачкуваат со јајце и се наросуваат со сусам.
На секоја кифличка одозгора ставете по малку маргарин. Печете ги во претходно загреана рерна на 200 степени додека не ја добијат посакуваната боја.
