Благодарение на вештите раце и инвентивноста на младата Стефанија Несторовска што стои зад инстаграм-профилот и блогот snestorovska.com, секогаш имаме можност да пробаме нешто интересно и несекојдневно.

Денеска уживајте во неповторливиот вкус на овие мали, слатки задоволства – медени колачиња.

Состојки:

– 2+1/2 шолја (250 грама) овесно брашно
– 1/3 шолја (40 грама) какао
– 1 лажичка цимет
– 1 лажичка сода-бикарбона
– 3 лажици кокосово масло
– 1+1/4 шолја (300 милилитри) кисела вода
– 4 лажици џем од кајсии
– 2-3 лажици кокосов шеќер ***

Топинг:

– 1 црно чоколадо (80 отсто)
– 2 лажички кокосово масло
– 3 лажици џем од кајсии
*** јас не користев кокосов шеќер како дополнителен засладувач затоа што џемот од кајсии и чоколадото ми беа доволно благо. Но, ако сакате да бидат поблаги, слободно додадете во смесата 2-3 лажици кокосов шеќер или каков било засладувач по желба.

Начин на подготовка:

Рерната се загрева на 180 степени и се поставува хартија за печење на тава за печење. Јас користев коцкаста тава 20 см.
Во голем длабок сад се додаваат сите состојки и се промешува се додека не се соединат и не се добие густа смеса. Ако смесата е прегуста и тешка за работа, додадете уште малку масло или кисела вода.
Се додава смесата во тавата за печење и се пече 12-15 минути.
Додека колачот се пече, во мало тенџер се додаваат чоколадото и кокосовото масло. На многу ниска температура оставете да се стопи чоколадото.
Прелијте го топлиот колач со трите лажици џем и растопеното чоколадо.
Оставете малку да се излади и да стврдне пред да го исечете.
Чувајте на собна температура 2 дена или во затворен стаклен сад до 5 дена.