Рецепт на Викторија Спенџарска Стин за супа од домати: Ручекот ќе ви биде готов за 20 минути!
Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.
Препорачано
-
1
-
2
-
3
Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да креирате некој од нејзините здрави рецепти.
Викторија Спенџарска Стин ни направи колачиња со јагоди и банани
Денес ни открива рецепт за освежителна супа од домати која можете да си ја подготвите уште овој викенд.
„Ова е еден прелесен рецепт во кој сигурно ќе се заљубите! А ако имате па и домашни патлиџани ќе ми бидете благодарни“, вели Вики.
Потребни состојки:
– 1,5 кг домати
– 1 кромид
– 1 коцка за супа
– 3 лажици маслиново масло
– босилек или оригано
– сол и бибер по желба
Подготовка:
Измијте ги патлиџаните, исецкајте ги на неколку парчиња директно во блендер, додајте ги сите состојки и изблендирајте. Префрлете ја смесата во тенџере и варете околу 25 минути. Толку! Доколку сте љубители на зачинета храна ставете си и чили во прав, малку фета сирење, потпечено лепче и уживајте! Ако имате рачен блендер исецкајте ги патлиџаните директно во тенџерето со сите други состојки и додадете филџан вода. Нека се вари 25 минути и после изблендирајте. На здравје!
