Основното јавно обвинителство поведе постапка против двајца возачи на комбиња од медицинска лабораторија од Скопје и медицинска лабораторија од Бугарија, за незаконско земање и користење генетски и биолошки материјал.

Тие биле фатени како примопредаваат 20 епрувети со крв и со урина на паркингот на Здравствен дом Делчево. Тие епрувети лабораторијата од Скопје, ги испратила во Бугарија на дополнителни испитувања.

Двајцата се лишени од слобода и признале дека добиле налог да го извршат примопредавањето на фрижидерчето со генетскиот материјал.

Обвинителството за нив одреди предлог казнен налог со парична казна од по 2.000 евра за секој и додека да заврши правосилно постапката, има мерка за обезбедување.

Од ОЈО Скопје за „Слободен печат“ велат дека надлежен јавен обвинител го известил Државниот здравствен и санитарен инспекторат да спроведе надзор во лабораторијата во Скопје и во зависност од резултатите, постапката ќе продолжи.

Возачи на возила од лаборатории од Скопје и Бугарија разменувале полни епрувети во Делчево