Расел реагира на новите казни во Ф1: Да казните возач со еден милион евра е бесмислено
Новите зголемени казни во Формула 1 предизвикаа негативни реакции кај возачите, а најжесток во критиката беше возачот на Мерцедес
Џорџ Расел, возачот во тимот на Мерцедес од Формула 1, е особено критички настроен кон новите драстично зголемени казни од страна на Меѓународната автомобилистичка федерација (ФИА) за него и неговите колеги.
Препорачано
ФИА воспостави нови казни за возачите во Формула 1 кои можат да изнесуваат и максимални еден милион евра?! Расел смета дека тоа е штетно и апсурдно.
– Мислам дека е прилично бесмислено возачот да биде казнет со еден милион евра. Во мојата прва година од Формула 1, имав петоцифрена плата, а потрошив шестоцифрена сума за плаќањата за мојот тренер, за летови, за асистент. И тоа веројатно е случај за 25 проценти од возачите. Го работиме она што го сакаме, па затоа не се жалиме. Но, ако земете еден возач дебитант кој веројатно до крајот на годината губи над 100.000 евра поради инвестициите што треба да ги направи, да го казните со милион. Што ќе се случи? – вели Расел.
И на неговите колеги не им е сеедно. Даниел Рикардо смета дека големите парични казни се „страшни“, додека Макс Верстапен и Шарл Леклер се запрашаа што треба да направите за да бидете казнети со таква сума…
