Денеска машката кадетска ракометна репрезентација на Македонија претрпе пораз од Германија со 25:19 во рамките од второто коло на М18 Европското првенство во Подгорица, Црна Гора.

Нашите надежи од стартот на првото полувреме одржуваа позитива од еден гол разлика (2:1, 4:3, 6:5), но на пауза Германија беше тимот кој замина на пауза со предност од 10:9.

На почетокот од вториот дел успеавме само уште еднаш да намалиме на 11:10, а потоа германската селекција одигра многу подобро и постепено го зголемуваше водството, направи серија од три погодоци во низа за 14:10.

А нешто подоцна противникот дојде и до „плус шест“ (20:14), а потоа и до највисоки „плус седум“ (22:15). До крајот на мечот Германија рутински го одржуваше водството и дојде до победата.

Најефикасен во нашата селекција беше Самоил Ристевски со 11 голови, пет запиша Петар Илиевски.

Во рамките од групата „Б“ за Македонија останува уште еден меч, во третото коло на 10 август противник е репрезентацијата на Полска.