Полицијата вчера привела 25-годишен радовишанец кој се обидел да провали во домот на 77-годишниот сограѓанин Г.С.

„Вчера во 22.20 часот во Радовиш, полициски службеници од СВР Струмица-ОВР Радовиш го лишиле од слобода Ј.Т.(25) од Радовиш поради сомнение дека околу 19.00 часот се обидел да изврши тешка кражба во куќа сопственост на Г.С.(77) од Радовиш. Во службениот разговор Ј.Т. го признал делото“, информираат од МВР.

Тој бил задржан во Полициската станица Радовиш, за настанот бил запознаен јавен обвинител од Основното јавно обвинителство Радовиш и по негово целосно документирање против Ј.Т. ќе биде поднесена соодветна пријава.