Денеска во 19 коло од Првата македонска кошаркарска лига Работнички славеше на гостински терен против Пелистер со 90:83.

Иако скопскиот клуб во составот имаше само осум играчи на крајот успеа да дојде до победа над битолската екипа.

Во победничките редови Рош запиша „дабл-дабл“ учинок од 18 поени и 12 скокови, следен од Ѓуроски со 16 поени и седум асистенции.

На спротивната страна Мишковиќ исто така забележа „дабл-дабл“ од 28 поени и 11 скокови, додека Гембрел имаше 22 поени.

Во неделата се одигра уште еден меч, Феникс 2010 како гостин триумфираше над тимот на Гостивар со резултат 75:89.

На табелата Работнички е на третото место со 31 бод, додека Пелистер е шестопласиран со 30. Феникс 2010 е на осмата позиција со 29 бодови, додека Гостивар е на 10 место со 26.