Моделот Кендал Џенер и раперот Бед Бани ја раскинаа љубовната врска, вели близок извор за „Пипл“.

Двојката последен пат беше видена на забава на „Сатердеј најт лајв“ во октомври, каде раперот имаше двојна улога – водител и музичка ѕвезда на шоуто.

Ѕвездата на реалните шоуа за семејството Кардашијан-Џенер и латино музичарот почнаа да се состануваат во февруари годинава, кога беа забележани на двоен состанок со пејачот Џастин Бибер и неговата сопруга Хејли.

„Кендал почна да се дружи со него. Навистина ѝ е допаѓа и забавно им е“, изјави тогаш извор за „Пипл“.

Во текот на летото, тие беа на заеднички одмор во Ајдахо, каде делуваа „прилично заљубени“ и нивната врска им беше „супер сериозна“.

Во септември, поранешната двојка го имаше своето деби во првиот ред на модната недела во Милано. Двајцата изгледаа стилски и опуштено додека седеа еден до друг на ревијата на „Гучи“ за пролет/лето 2024 година.

Иако порториканскиот хитмејкер изјави дека не сака да зборува за неговиот приватен живот во октомвриското издание на „Венити фер“, тој откри дека има некој во неговиот живот за кого се обидел да си го подобри англискиот јазик.

ФОТО | Кендал Џенер во проѕирна маица ги прошета голите гради