Пукање во Шведска, тројца тинејџери повредени
![Шведска](https://www.slobodenpecat.mk/wp-content/uploads/2021/11/Шведска-убиство-на-деца.jpg)
Најмалку три лица се ранети во престрелката во шведскиот град Седертелје. Полицијата и итната помош се на местото на пукањето, а нема информации дали напаѓачот е уапсен, јавуваат светските новнински агенции.
Како што пренесуваат медиумите во тек е голема полициска акција поради пукањето во шведскиот град Седертелје, јужно од Стокхолм, пренесува јавниот шведски сервис СВТ.
Повредени се три лица и станува збор за тинејџери, а СВТ дознава дека повредените се родени 2006 и 2007 година. Еден од нив е тешко повреден, и сите се пренесени во болница.
Полицијата е на терен, врши увид и разговара со очевидци а во меѓувреме покрената е прелиминарна истрага за убиство во обид и тешко кривично дело поседување на оружје.
Бран насилство ја зафати Шведска пред една година, а се претпоставува дека се работи за справување со криминални банди, пренесува РТС.