Во масовно пукање во Њујорк, вчера попладне по локално време се повредени пет лица, вклучувајќи и десетгодишно момче. Полицијата овој напад во местото Бронкс го опиша како „ужасно злосторство“.

Според информациите од локалните медиуми, меѓу повредените има и 15-годишно момче и едно 19-годишно девојче. Мотивот за нападот сѐ уште не познат.

Жртвите стоеле на улица кога непознат напаѓач (или напаѓачи) отвориле оган. За голема среќа, ниту една од жртвите немала повреди кои се опасни по живот.

На местото на настанот може да се забележат повеќе возила на Брзата помош и полицијата. Започната е потрага по осомничените.