Психотерапевтката Рејчел Снајдер, која е специјализирана за тинејџерска анксиозност, депресија и траума, откри дека има една работа што родителите никогаш не треба да му ја кажат на детето кога е вознемирено, исплашено или луто.

Тоа е фраза што ја користат многу родители, а таа гласи: „Смири се!“.

Во разговор за порталот „Parents“, Снајдер вели дека со оваа постапка нема да го поттикнете интелектуалниот раст на детето, ниту ќе го научите на здрави вештини за соочување со проблемите во животот. Психотерапевтката потенцира дека оваa изјава ќе го натера детето да се чувствува како да ќе мора да ги потисне своите чувства и дека плачењето е погрешна реакција.

„Ова му говори на детето дека плачењето не е ниту прифатливо, ниту соодветно. Овој пристап не е здрав и прифатлив“, вели Снајдер.

Според Снајдер, кога емоционалните потреби на една личност се потиснати во детството, тие се борат со нив во зрелоста.

„Постојат возрасни личности кои ги потиснуваат своите емоции или целосно ги игнорираат затоа што во одреден момент од животот им било кажано дека не е во ред да ги изразат јасно и отворено“, додава таа.