Британската принцеза Ана за првпат се огласи откако се врати во својот дом по престојот во болница поради повреда на главата.

Имено, принцезата Ана го изрази своето длабоко жалење затоа што ја пропуштила комеморацијата на канадските воени херои, пренесува „Мирор“.

„Го изразувам моето длабоко жалење што не можам да бидам со вас денес додека ги одбележувате храбрите напори и жртви на членовите на полкот Њуфаундленд, кои маршираа во битка на првиот ден од Сома. Се сеќавам дека во 2016 година бев на комеморацијата на 99-та и искрено сум тажна што не можам повторно да присуствувам. Ви испраќам најтопли и најубави желби на овој посебен ден на комеморација“, напишала принцезата Ана, а пораката пред сите ја прочитал гувернерот на колонијата“, порачала принцезата.

Да потсетиме, принцезата Ана беше пуштена од болница откако минатиот викенд во инцидент со коњ „претрпе полесни повреди и потрес на мозокот“. Бакингемската палата ја сподели веста дека принцезата се вратила на својот имот во паркот Геткомб откако поминала четири дена во болницата Саутмед во Бристол.

Откако Ана беше пуштена од болница, нејзиниот сопруг, вицеадмиралот Тим ​​Лоренс, рече: „Би сакал да упатам најголема благодарност до целиот тим во болницата Саутмед за нивната грижа, стручност и љубезност за време на краткиот престој на мојата сопруга“.

Сите нејзини ангажмани беа откажани, заедно со работната посета на Канада.

По потресот на мозокот: Британската принцеза Ана не се сеќава што се случило