Освен во првиот период, кошаркарите на Работнички беа далеку подобар ривал и заслужено славеа важен триумф (86:63) над Чаир 2030 во рамките од четвртото коло во Првата македонска МТЕЛ кошаркарска лига. Тоа беше трета победа за Работнички оваа сезона во шампионатот, а прв пораз за Чаир 2030.

Првата четвртина ја добија гостите со 22:17, но во следните три доминираше домаќинот (26:12, 21:13, 22:16). Полутак заврши со 27 поени и осум скокови, Робев имаше 22 поени (седум скокови и две асистенции), Дубински реализираше 12 поени, а Ѓуроски запиша 11 поени, и по пет скокови и асистенции.

Во екипата на Чаир 2030, Кирк и Мофит забележаа по 15 поени, а Кели имаше „дабл-дабл“ учинок од 16 поени и 12 скокови.

ТФТ е единствениот во првенството без пораз, дојде до својата четврта победа во низа откако на гости со 80:63 беше подобар од Феникс 2010. Во победничките редови Николов оствари дабл-дабл од 16 поени и 12 скокови, следен од Говенс со 14 поени, Мекиќ имаше 12, Зафиров 11, а Гринли 10.

Кај Феникс 2010, Митревски постигна 17 поени, исто толку запиша и Марфи, кој имаше и 13 скокови, додека Баун заврши со 12 поени и четири асистенции.

ПРВА „МТЕЛ“ ЛИГА-МАЖИ

РЕЗУЛТAТИ 4. КОЛО

Феникс 2010 – ТФТ 63:80
Работнички – Чаир 2030 86:63
МЗТ Скопје Аеродром – МКК Куманово 78:71
Шкупи – Вардар 89:68
Гостивар – Пелистер 77:66
Кожув – Тиквеш Голден Игл 85:64

ТАБЕЛА: ТФТ 8 бодови, МЗТ Скопје Аеродром 7, Чаир 2030 7, Работнички 7, Пелистер 7, Кожув 6, Гостивар 6, МКК Куманово 5, Тиквеш Голден Игл 5, Феникс 2010 5, Шкупи 5, Вардар 4.

ИДНО КОЛО (02.11)

Тиквеш Голден Игл – Феникс 2010
Вардар – Работнички
ТФТ – Шкупи
Пелистер – Кожув
МКК Куманово – Гостивар
Чаир 2030 – МЗТ Скопје Аеродром